லியோ டீம் பிறந்தநாள் கொண்டாட்டம்

நடிகர் விஜய் நடிக்கும் 'லியோ' படத்தினை லோகேஷ் கனகராஜ் இயக்கி வருகிறார் 

இந்த படம் வரும் அக்டோபர் மாதம் 19 ஆம் தேதி திரையரங்குகளில் லியோ படம் வெளியாக உள்ளது. ஆயுதபூஜை, சரஸ்வதி பூஜையை முன்னிட்டு இந்த படம் தமிழ், கன்னடம், தெலுங்கு, இந்தி ஆகிய மொழிகளில் வெளியாகிறது.

இந்த படத்தின் படப்பிடிப்பு கடந்த ஜனவரி 2ஆம் தேதி துவங்கியது. காஷ்மீரில் இந்த படத்தின் படப்பிடிப்பு தற்போது முழுவீச்சில் நடைபெற்று வருகிறது.

காஷ்மீரில் இருக்கும் லியோ படக்குழு, கலை இயக்குனர் சதீஷ்குமாரின் பிறந்தநாளை கேக் வெட்டிக் கொண்டாடினர். அப்போது இயக்குனர் லோகேஷ் கனகராஜ், கலை இயக்குனர் சதீஷ்குமாருக்கு முத்தம் கொடுத்து வாழ்த்திய புகைப்படங்கள் வெளியாகி வைரலாகி வருகின்றன. கலை இயக்குனர் குழு, லோகேஷ் கனகராஜ், ரத்னகுமார் ஆகியோர் புகைப்படங்களில் காட்சியளிக்கிறார்கள்.